Togstreita hugans

Framundan eru páskar,  há annatími skíðamennskunnar á Íslandi.  Hér á árum áður var ég á þessum tíma meira og minna á skíðum á hinum og þessum stöðum á landinu.  Bæði með og án maka og dætra, oftast án.  Nú bregður svo við að ég hef varla stigið á skíði í vetur.  Aðstæður hér sunnanlands hafa ekki verið upp á marga fiska og áhuginn hjá mér í samræmi við það.  Í dag skoðaði ég samt heimasíður hinna ýmsu skíðasvæða eins og ég geri oft.  Ég verð að segja alveg eins og er, Siglufjörður er himnaríki skíðafólks, ég fæ titring í tærnar þegar ég lít yfir svæðið.  Hvernig væri að skella sér norður?

 

Í framhaldinu lít ég inn á golf.is og viti menn, til stendur að opna fleiri golfvelli í nágrenni Reykavíkur um páskana.  Aftur fæ ég titring í tærnar.  Af hverju ekki að skella sér í golf og byrja tímabilið með stæl?  Ég er nú einu sinni að ná því takmarki að hefja keppni í öldungaflokki í sumar og þá á að taka á því.  Nú þarf ég aðstoð.  Hvert skal stefna?  Kannski hvorutveggja, hvorugt eða annað hvort.

 Help!

 

 

 

 

 

Athugasemdir

[Sóley Tómasdóttir (IP-tala skráð) 4.4.2007 kl. 18:48]

Ég skal koma með þér á Siglufjörð!

[Kristín Tómasdóttir (IP-tala skráð) 6.4.2007 kl. 03:43]

Hvernig lýst þér á að skreppa til Afríku? Ég væri til í það...

[Ástkær (IP-tala skráð) 9.4.2007 kl. 10:05]

Tommi minn, komdu í sund.  Ég stefni á 1200 metrana.

Konan þín, sem veltir fyrir sér hvort við getum lagt niður tungumálið innan fjölskyldunnar eftir að við vorum kynnt fyrir moggablogginu.

[Álfhóll, 10.4.2007 kl. 09:33]

Tommi minn, svo er bara að nota fjölmiðilinn.  Er að þreifa mig áfram með notagildið.  Ég gleymdi símanum mínum í bílnum í morgun, viltu koma með hann þegar þú kemur heim í hádeginu.

You know who.

[Kristín Tómasdóttir (IP-tala skráð) 11.4.2007 kl. 22:14]

Ertu nokkuð hættur að blogga? Þó það væri nú ekki nema fyrir vinnuna sem ég lagði í toppmyndina væri ánægjulegt að sjá eins og eina færslu í viðbót.

[Sóley Tómasdóttir (IP-tala skráð) 11.4.2007 kl. 23:14]

Já pabbi, áfram með smjörið!