Tímamót Íslandssögunnar

 

Eins og alþjóð er sjálfsagt upplýst um, hef ég nú látið verða af því að tjá skoðanir mínar  opinberlega.  Þannig getur þjóðin og heimurinn áttað sig á sjónarmiðum mínum um fjölskyldu mína, þjóðina í heild og það sem henni er fyrir bestu.  Jafnframt er möguleiki á að bloggvinir mínir komi með ábendingar um útfærsluatriði hafi ég ekki verið nákvæmur í orðavali hvað skoðanir mínar varðar.  

Ég vil byrja á því í minni fyrstu færslu að óska Hafnfirðingum til hamingju með stórsigur gegn stórveldinu Alcan.

 Eins og svo margir Hafnfirðingar sé ég nú fyrir mér alþjóðlegan 90 holu golfvölll á besta stað í landi golfklúbbs Keilis.  Þar mun (þegar álverið er horfið), væntanlega í famtíðinni rísa einn besti og stærsti golfvöllur heims sem vonandi mengar mun minna en álverið, en skilar mun meiri hagnaði ef rétt verður á málum haldið.   Hverjir verða í næstu stjórn Keilis?

 

Athugasemdir

[Sóley Tómasdóttir (IP-tala skráð) 1.4.2007 kl. 10:22]

Góður!

[Tómas, nágranni golfvallarins (IP-tala skráð) 1.4.2007 kl. 12:35]

Golfvöllur... My foot!!

[Kristín Tómasdóttir (IP-tala skráð) 1.4.2007 kl. 23:32]

Rosalega er þetta smart heimasíða. Mætti halda að hér væri grafískur hönnuður á ferð. Ef ég vissi ekki betur... 

Til hamingju með nýja bloggið

 Krissa Hryssa

[Dagný Rut Haraldsdóttir (IP-tala skráð) 2.4.2007 kl. 17:55]

Bara láta vita af komu minni hingað!

Til hamingju með nýja bloggið og mikið vona ég að þú verðir jafn duglegur og Rúna að skella inn myndum af fjölskyldumeðlimunum

kv. Dagný Rut 

[Snjólaug (IP-tala skráð) 2.4.2007 kl. 18:21]

Biggýs mun auðvitað líta við á sínu vafri um heiminn. 

Kveðja

Spilandi þjálfari Biggýsveldisins

[Guðm. R. Ingvason (IP-tala skráð) 3.4.2007 kl. 14:07]

Sæll Tommi minn.

Til hamingju með bloggsíðuna.

Seint hefði það nú verið talið líklegt af vinstri sinnum að fagna og  gleðjast yfir því að setja vinnu 450 starfsmanna auk þeirra mörgu þjónustustarfa sem fylgja, samtals framfærendur 1500/2000 manna, í hættu og uppnám innan tiltölulegra fárra ára. Pabbi þinn blessaður, blessuð sé minning hans, hefði a.m.k. átt bágt með að skilja slíka gleði.

Gangi þér vel í golfinu í sumar og bestu kveðjur vestur og til þín og þinna.

Guðm. R. Ingvason